TDHÇB-daky söwdalaşyklar: suwuklandyrylan gaz, dizel ýangyjy we nah ýüplügi ýokary islege eýe boldular
Çarşenbe güni, 19-njy aprelde Türkmenistanyň Döwlet haryt-çig mal biržasyndaky söwdalaşyklarda jemi bahasy $24,5 mln amerikan dollaryna deň bolan 21 geleşik baglaşyldy – diýip, ORIENT-iň habarçysy habar berýär.
Owganystandan gelen telekeçiler suwuklandyrylan gazyň jemi 6 müň tonnasyny satyn aldylar, önümiň her tonnasyna $357 we $353 amerikan dollary (ýokarlandyrylan arzanladyş bilen) baha berdiler. Geleşikleriň jemi bahasy $2,1 mln amerikan dollaryna deň boldy.
BAE-den we Owganystandan gelen işewürler söwdalaşyklaryň barşynda gidro usulda arassalanan dizel ýangyjynyň 30 müň tonnasyny satyn aldylar, önümiň her tonnasyna $629,75 amerikan dollary baha berildi. Gol çekilen geleşikleriň jemi bahasy $18,8 mln amerikan dollaryna deň boldy.
Türkiýäniň işewür toparlarynyň wekilleri nah ýüplüginiň dürli görnüşleriniň 1,6 mln kg $3,5 mln amerikan dollaryna satyn aldylar.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
