«Türkmenatlary» we Fransiýanyň at münmek instituty bilelikdäki çäreleri geçirip bilerler
«Türkmenatlary» döwlet birleşiginiň wekilleri we Türkmenistanyň Fransiýadaky ilçihanasy Fransiýanyň at münmek instituty bilen onlaýn-duşuşyk geçirdiler, onuň barşynda tejribe alyşmak we bilelikdäki çärleri geçirmek meseleleri ara alyp maslahatlaşdylar.
Duşuşyk türkmen döwlet birleşiginiň we fransuz institutynyň arasyndaky özara düşünişmek hakyndaky ähtnamanyň çäklerinde geçdi – diýip, Türkmenistanyň Fransiýadaky diplomatik wekilhanasy habar berýär.
Duşuşygyň barşynda söhbetdeşler iki ýurtdan atşynaslaryň bilelikdäki türgenleşigini geçirmekligi ara alyp maslahatlaşdylar. Bu jähtde «Türkmenatlarynyň» baştutany Ahmet Berdiýew we Aba Annaýew adyndaky halkara atçylyk akademiýasynyň rektory Pygy Baýramdurdyýew häzirki zaman atçylyk infrastrukturasynyň bardygyny bellediler.
Fransuz institutynyň Baş direktory Žan-Roş Gaýe hyzmatdaşlygy mundan beýläk-de ösdürmäge taýýardygyny bildirdi we türkmen tarapyna tanyşdyrylyş üçin minnetdarlyk bildirip, «Türkmenatlary» bilen özara hyzmatdaşlygyň ileri tutulýan ugurlaryny belledi.
ORIENT habarlar
