Rus kompaniýasy GDA ýurtlaryna eksport üçin Özbegistanda çagalaryň aýakgaplaryny öndürer
Russiýanyň «Technolux» kompaniýasy Özbegistanda çagalar üçin aýakgaplaryny öndürip başlar. Başlangyç tapgyrda önümi GDA ýurtlaryna eksport etmegi, soňra bolsa Ýewropa bazarlaryna çykmagy meýilleşdirýärler, - diýip Sputnik Özbegistan habar berýär.
Täze aýakgap fabrigi, ýylda 80 müň jübüt aýakgap öndürer we ilerde kuwwatyny 110-120 müňe çenli artdyrar. Önümçiligiň esasy bölegi çagalar üçin aýakgaplar bolar, ýöne kompaniýa zenanlaryň aýakgaplarynyň hasabyna görnüşini köpeltmekçi.
Rus kompaniýasynyň wekilleri önümçilik mümkinçiliklerini, çig mal bazasyny we işewürlik üçin şertleri eýýäm öwrendiler. Daşary ýurt kärhanasy Özbegistanda hasaba alyndy we indi ussahanalary ýerleşdirmek üçin amatly ýer saýlaýarlar.
«Technolux» kompaniýasy autsorsing esasynda çagalar üçin, gyş, sport aýakgaplaryny öndürýär we Russiýanyň bölek satuw zynjyrlarynyň köpüsini üpjün edýär.
ORIENT news
