Täze dizaýn we funksional: Täzelenen Çapar goşundysynda näme peýda boldy
Nobatdaky täzelenişden soňra «Türkmenpoçta» poçta aragatnaşyk kompaniýasynyň köp funksiýaly Çapar goşundysy has hem amatly boldy, dizaýny bolsa - gözelleşdi we döwrebap boldy.
Indi interfeýs gerekli amallary tiz we aňsat ýerine ýetirmäge mümkinçilik berýär. Hemmesi «Saýlananlar» bölümi sebäpli, oňa özüňiziň has köp ulanýan funksiýalaryňyzy goşup bolýar.
Jemagat hojalygynyň hyzmatlaryny tölemek, halaýan serwisleriňize ýazylyşygy uzaltmak we öýjükli telefonyň balansyny doldurmak has hem ýönekeý boldy. Ähli gerekli zatlar - goşundynyň baş ekranynda. Birnäçe gezek basmak ýeterlikdir we serişdeler eýýäm geçirildi!
Täze mümkinçilikleriň arasynda — bank kartynyň üsti bilen ýa-da öýjükli telefonyň balansy arkaly Beletfilme ýazylyşygy tölemek Türkmenistanyň ähli edaralarynyň telefon belgileri bilen maglumathana, şeýle hem çagalar bagyna töleg etmek funksiýalary bar.
Umuman, dizaýndaky üýtgetmeler Çapar goşundysyny ulanyjylar üçin has hem amatly we düşnükli etdi. Goşundynyň täzelenen wersiýasyny Google Play we App Store eýýäm şu gün ýükläp alyp bolýar.
Şunuň bilen baglanyşykly okaň:**
Çapar goşundysynyň kömegi bilen durmuşy ýeňilleşdirmegiň 6 usuly
ORIENT habarlar
