Türkmenistanda howanyň üýtgemegine uýgunlaşmagyň pudagara meýilleşdirmegiň meseleleri ara alyp maslahatlaşyldy
Türkmenistanda howanyň üýtgemegine uýgunlaşmagyň pudagara meýilleşdirmesi boýunça utgaşdyryjy mehanizmiň döredilmegi Türkmenistandaky BMG-niň Ösüş Maksatnamasynyň we ABŞ-nyň Halkara ösüş agentliginiň (USAID) bilelikde geçiren tegelek stolunyň barşynda ara alnyp maslahatlaşyldy.
Duşuşykda milli uýgunlaşma prosessini (MUP) ýerine ýetirmek boýunça Iş toparynyň wezipelerini giňeltmek baradaky ylalaşyk gazanyldy. Mundan beýläk ol milli uýgunlaşma meýilnamasyny taýýarlamaga gatnaşýan we uýgunlaşma boýunça dürli strategiýalary işläp düzýän gyzyklanýan taraplaryň işlerini utgaşdyrar, MUP-niň ýerine ýetirilmeginiň monitoringini we bahalandyrmasyny amala aşyrar.
Toparyň agzalary tarapyndan uýgunlaşma prosessini netijeli ýerine ýetirmek üçin ýol kartasy işlenip düzüler, bitewi maliýe mehanizmi dörediler. Iş toparynyň düzümi Türkmenistanyň ykdysadyýetiniň dürli pudaklarynyň wekilleriniň gatnaşmagy üçin giňeldildi.
Çäre Türkmenistanyň Oba hojalyk we daşky gurşawy goramak ministrligi bilen BMGÖM-nyň «Türkmenistanda uýgunlaşmany meýilleşdirme milli prosesini ösdürmek» atly bilelikdäki taslamasynyň çäklerinde guraldy. Ol Ýaşyl howa Gaznasy tarapyndan maliýeleşdirilýär.
Türkmenistan howa töwekgelçiliklerini integrirlemek arkaly we meýilnamalaşyrmak prosessine uýgunlaşma çärelerini goşmak we býujet düzmek arkaly milli uýgunlaşma prosessini (MUP) işläp düzmek bilen howanyň üýtgemegine uýgunlaşma we durnuklylyk mümkinçiligini pugtalandyrmaga ymtylýar.
ORIENT habarlar
