Türkiýe älem giňişligine öz öndüren ilkinji hemra-gözegçisini uçurdy
Türkiýäniň özüniň öndüren IMECE ilkinji hemra-gözegçisi Ameikanyň Wandenberg kosmodromyndan üstünlikli uçuryldy – diýip, Anadolu agentligi habar berýär. Uçurylyş howa şertleri sebäpli birnäçe gezek yza süýşürilipdi.
Ozal şuňa meňzeş hemranyň uçurylmagy barada Türkiýäniň prezidenti Rejep Taýyp Ärdogan özüniň Twitter hasabynda ýazypdy.
«Bu biziň ilkinji IMECE gözegçi hemramyz bolup, onuň ýokary ölçegli suratlary düşürmek mümkinçiligi bar, ol biziň ýurdumyzyň kärhanalarynda ýasaldy» - diýip, Türkiýäniň baştutanynyň twitdäki ýazgysynda bellenilýär.
Ol şeýle hem Türkiýäniň adam serişdelerine, mümkinçiliklerine we tehnologiýalaryna daýanmak bilen, bütindünýä kosmosy özleşdirmek ýaryşynda ösmegini dowam etdirýändigini belledi. Indi hemralaryň toparlary uçurylandan soňra, olaryň umumy sany 10-a ýetýär.
2017-nji ýylda ýasalyp başlanan hemra enjamy üçin jogapkärçiligi Türkiýäniň kosmos tehnologiýalar YBI-y öz üstüne aldy. Ony tebigy betbagtçylyklar we howanyň üýtgemegi bilen göreşmäge niýetlenen maglumatlary ýygnamak üçin 680 km beýiklige çykararlar.
ORIENT habarlar
