Gyrgyzystan 2023-nji ýylyň awgustynda Merkezi Aziýanyň ýaşlar forumyny guraýar
Gyrgyzystanyň ýaşlar Kongresiniň başlygy Askar Şaýkiddinow ýurduň üstümizdäki ýylyň awgustynda Merkezi Aziýa ýurtlarynyň ýaşlar forumyny geçirmegi meýilleşdirýändigini beýan etdi – diýip, «Kabar» portaly habar berýär.
«Biziň dünýädäki dürli howplaryň pidasy bolmazlygymyz üçin, aýratyn hem ýaşlaryň howpsuzlygy babatynda, olaryň durmuşyna tersin täsir edip biljek, neşe serişdeleriniň, radikal dini akymlaryň pidasy bolmazlygy üçin biziň sebit derejesindäki bilelikdäki işjeňligimizi güýçlendirmek gerek. Biziň ýaşlarymyz medeniýet we syýahatçylyk babatynda hyzmatdaşlyk etmäge örän gyzyklanýar» - diýip, ýaşlar guramasynyň baştutany beýan etdi.
Şaýkiddinow 30 ýaşa çenli bolan adamlaryň sanynyň ähli bäş ýurtda hem umumy ilatyň ýarysyndan gowragyny düzýändigini belledi. Şunuň bilen baglylykda, umumy maksatlara ýetmek üçin bu ýurtlaryň ýaşlarynyň tagallalaryny birleşdirmek zerur bolup durýar.
Şaýkiddinowyň sözlerine görä, öňde boljak forum Merkezi Aziýa ýurtlarynyň ýaş adamlarynyň arasynda diplomatik we dostlukly gatnaşyklary ösdürmekde möhüm meýdança bolar.
ORIENT habarlar
