Tesla Hytaýda täze golçur kompaniýasyny açdy
Ilon Maska degişli bolan amerikan awtoulag öndüriji bolan Tesla Hytaýda ygtyýarly maýasy $2 mln deň bolan täze golçur kompaniýasyny açdy. Bu kompaniýanyň Megapack akkumulýator batareýalarynyň önümçiligi boýunça täze kärhananyň gurluşygy barada habary aýan edenden soňra bolup geçdi – diýip, Investing.com. habar berýär.
Şanhaý şäherindäki täze kärhananyň işi emeli intellektiň esasynda tehniki goldawy üpjün etmäge we programma üpjünçiligini işläp düzmäge, gün energiýasynyň önümçiliginiň tehnologiýasyna, şeýle hem energiýany ýygnaýjylara tehniki hyzmat etmeklige gönükdirilendir.
Bu golçur kompaniýanyň Teslanyň täze zawody bilen baglanyşygy barada entek hiç hili maglumat ýok. 2022-nji ýylda Şanhaýdaky zawodda Ilon Maskyň kompaniýasy eýýäm 710 müňden gowrak awtoulag öndürdi, bu bolsa onuň dünýä derejesindäki önümçiliginiň ýarysyndan gowragyna deňdir.
ORIENT habarlar
