Birbada iki Özbek şäheri – Daşkent we Samarkand GDA-2024-iň paýtagty bolar
Özbegiýanyň iki şäheri 2024-nji ýylda Arkalaşygyň mowzuklaýyn paýtagty diýlip yglan edildi - Samarkand GDA-nyň medeni paýtagty, Daşkent bolsa ýaşlar paýtagty bolar. Bu teklibiň GDA-nyň Özbegistandaky Daşary işler ministrler geňeşinde anna güni berilendigi barada Rossiýanyň daşary syýasy edarasynyň ýolbaşçysy Sergeý Lawrow metbugat-konferensiýasynda aýtdy, - diýip «Sputnik Özbegistan» habar berýär.
Garaşsyz döwletler arkalaşygynyň Daşary işler ministrleriniň geňeşiniň mejlisi 14-nji aprelde Samarkantda geçirildi. Oňa Arkalaşygyň ýurtlarynyň Daşary işler ministrlikleriniň wekilleri, GDA-nyň Ýerine ýetiriji komitetiniň baş sekretary gatnaşdylar. Forum Gyrgyzystanyň ýolbaşçylygynda geçirilýär.
Sammitde wekiller Arkalaşygyň giňişliginde özara gatnaşyklaryň dürli ugurlaryndaky on töweregi meselä garadylar. Mowzuklaryň biri Özbegistan şäherlerine mowzuklaýyn statusyň berilmegi boldy.
«2024-nji ýylda GDA-nyň medeni paýtagty statusyny Samarkand şäherine hem-de şol ýyl GDA-nyň ýaşlar paýtagty statusyny Daşkende bermek Özbegistanyň GDA-nyň arasyndaky gatnaşyklara işjeň gatnaşmagynyň aýdyň subutnamasydyr», - diýip Arkalaşygyň baş sekretary Sergeý Lebedew mejlisde belledi.
Garaşsyz döwletleriň arkalaşygy 1991-nji ýylyň dekabrynda SSSR dargansoň döredildi. Arkalaşygyň düýbüni tutanlar Russiýa, Belarus we Ukraina boldy. Soňra oňa Azerbaýjan, Ermenistan, Gazagystan, Gyrgyzystan, Moldowa, Täjigistan, Türkmenistan we Özbegistan goşuldy. 2023-nji ýylda GDA başlyklyk edýän ýurt Gyrgyzystandyr.
ORIENT news
