Hytaý Owganystan boýunça ýagdaýy kadalaşdyrmak üçin 4 başlangyjy öňe sürdi
Hytaýyň daşary işler ministri Sin Gan Owganystandaky içeri syýasat gapma-garşylyklaryny çözmäge ýardam etjek we uzak ýyllaryň dowamynda dowam edip gelýän durnuksyzlykdan soňra ykdysady taýdan aýaga galmaga kömek etjek dört esasy başlangyjy öňe sürdi – diýip, CGTN maglumatlar agentligi habar berýär.
Hytaýyň DIM-niň baştutanynyň teklipleri Owganystanyň goňşy ýurtlarynyň 4-nji ministerler duşuşygynyň çäklerinde beýan edildi, oňa Türkmenistanyň wekilleri hem gatnaşdylar.
Şeýlelikde, Sin Gan Owganystanyň özgermeginiň şu aşakdaky şertlerde mümkin boljakdygyny beýan etdi:
— Terrorçylyga, neşe söwdasyna we köpçülikleýin migrasiýa garşy göreş meselelerinde sebitleýin hyzmatdaşlygyň çuňlaşdyrylmagy. Şeýle hem serhet gözegçiligini pugtalandyrmak we daşary ýurt terrorçylyk akymlaryna garşy bilelikdäki kömek gerek;
— Owganystana görä birtaraplaýyn sanksiýalary girizen ýurtlar olary doly ýatyrmaly, Kabulyň daşary ýurtlardaky hasaplary – açylmaly;
— Häzirki owgan ýolbaşçylary ýurdy dolandyrmagyň anyk döwrebap ýörelgelerini berjaý etjek inklýuziw hökümeti döretmeli;
— Owganystan bilen iş ýüzündäki hyzmatdaşlygyň, şol sanda zerur bolan transmilli infrastrukturany döretmek arkaly güýçlendirlmegi.
Sin Gan Hytaýyň Owganystany dikeltmekde goldaw bermegini dowam etdirjekdigini we bu maksada ýetmek üçin onuň goňşy ýurtlary bilen bilelikde işlejekdigini sözüniň üstüne goşdy.
ORIENT habarlar
