Türkmen köpüzlikleýin habar beriş serişdeleriň wekilleri žurnalistikanyň sanly trendleri bilen tanyşdylar
Türkmenistanda ÝHHG-nyň Merkezi tarapyndan gurnalan žurnalistler üçin iki günlük okuw tamamlandy.
Okuw, jemgyýeti gyzyklandyrýan meselelerini öz içine alýan sanly kontenti döretmek platformalaryny ulanmaga gönükdirilendir.
Treningde halkara hünärmenler – Beýik Britaniýaly Marek Bekerman we Polşaly Ýakub Parusinskiý çykyş edip, ýerli habar beriş serişdeleriniň wekillerini sanly kontentiň esasy bölekleri bilen tanyşdyrdylar.
Hünärmenler, sanly döwürde maglumat giňişliginiň aýratynlyklaryna ünsi jemläp, maglumat sebäbiniň dogry gözleginiň emele gelmegi arkaly «jemgyýetçilik gyzyklanmasynyň» ornuny we metbugata edýän täsirini seljerdiler we çaply žurnalistikanyň sanly görnüşe geçişiniň möhümdigini bellediler.
Sosial media ulgamlarynda habar maglumatlary döretmegiň esaslary we ýörelgeleri, multimediýa kontentiniň auditoriýany çekmäge täsiri barada mowzuklar ara alnyp maslahatlaşyldy.
Okuw, materiallaryň seljermesi, toparlaýyn ýumuşlar we amaly sapaklar bilen utgaşdy.
Laçyn HÜMMEDOWA
