Türkmenistanda harby-taktiki okuwlar geçiriler
Döwlet howpsuzlyk geňeşiniň sekretary, goranmak ministri Begenç Gündogdyýew Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedowa harby-taktiki okuwlara görülýän taýýarlyk işleri barada hasabat berdi.
Şeýle-de, Goranmak ministri penşenbe güni Döwlet howpsuzlyk geňeşiniň mejlisinde çykyş edip, Türkmenistanyň Prezidentiniň gol çeken Permanyna laýyklykda, çagyryş boýunça gulluk eden harby gullukçylary boşatmak we Türkmenistanyň erkek raýatlaryny aprel-iýun aýlarynda harby gulluga çagyrmak boýunça alnyp barylýan işler barada hasabat berdi.
Türkmenistanyň Ýaragly Güýçleriniň Belent Serkerdebaşysy Türkmenistanyň diňe goranyş häsiýetli Harby doktrinasyna hemişe ygrarlydygyny bellemek bilen, harby-taktiki okuwlara ykjam taýýarlyk görmek babatda tabşyryk berdi.
Türkmenistanda soňky harby türgenleşik okuwlary geçen ýylyň oktýabr aýynda Türkmenbaşy etrabynyň çäginde ýerleşýän Deňizdäki okuw-türgenleşik merkezinde geçirilipdi.
ORIENT news
