«Türkmendeňizdeýaýollary» we «Býuro Weritas» hyzmatdaşlygy täze derejä çykarýarlar
«Türkmendeňizderýaýollary» agentliginiň we «Býuro Weritas Marin Gazagystyan» BV klassifikasiýa jemgyýeti hyzmatdaşlygy giňeltmek barada ylalaşdylar.
Türkmen tarapy BV Türkmenistanda öz şahamçasyny açmagy teklip etdi, klassifikasiýa jemgyýeti bolsa ýurda berilýän hyzmatlaryň görnüşini artdyrmak üçin Türkiýeden we BAE-den öz wekillerini çekmäge taýýardygy barada habar berdi.
Şeýle hem Türkmenistana bolan saparynyň çäklerinde BV-niň wekilleri «Balkan» gämi gurluşyk zawodynda we «Deňiz söwda floty» paýdarlar jemgyýetinde duşuşyk geçirdiler, ol ýerde hyzmatdaşlygy mundan beýläk-de ösdürmegiň mümkin bolan ugurlaryny ara alyp maslahatlaşdylar.
BV klassifikasiýa jemgyýeti 1828-nji ýylda esaslandyrylyp, ol deňziň hapalanmagynyň öňüni almaga, şeýle hem gämileriň gurluşygyna tehniki gözegçiligi amala aşyrmaga ýöriteleşýän 11 sany iri kwalifikasiýa jemgyýetleriň biridir.
«Býuro Weritasyň» wekilhanalary dünýäniň 140 ýurdunda hereket edýärler. 2020-nji ýyldan başlap BV Türkmenistanda hasaba alnan gämileri halkara talaplaryna laýyklykda «Türkmendeňizdeýaýollary» agentligi bilen baglaşylan ylalaşyga laýyklykda barlap görmek hyzmatyny ýerine ýetirýär.
ORIENT habarlar
