Türkmenistanyň migrasiýa gullugy MHG-nyň ösüş Gaznasy bilen hyzmatdaşlygy ösdürer
Türkmenistanyň Döwlet migrasiýa gullugy Migrasiýa baradaky halkara guramasynyň Ösüş gaznasynyň wekili Alessiýa Kastelfranko bilen gepleşikleri geçirdi.
Taraplar «Migrasiýanyň, daşky gurşawyň we howanyň üýtgemeginiň arasyndaky özara baglanyşygy howanyň üýtgemegi bilen bagly milli meýilnamalara girizmek» taslamasynyň çäklerinde özara hyzmatdaşlygyň geljegini ara alyp maslahatlaşdylar - diýip, türkmen migrasiýa gullugynyň saýty habar berýär.
Bu taslama howanyň üýtgemegine uýgunlaşmanyň meýilnamalaryny işläp düzmeklige we daşky gurşaw bilen bagly meseleleri sebitleýin syýasatyň gün tertibine goşmaklyga niýetlenendir. Şeýle hem ol ekologiýa çözgütler babatda tejribe alyşmaklygy öz içine alýar.
Türkmenistanyň Döwlet migrasiýa gullugy we MHG-nyň Ösüş gaznasy degişli ugurlaryň mundan beýläk-de ösdürilmegi üçin bilelikdäki çäreleri geçirmek barada ylalaşdylar.
ORIENT habarlar
