Türkmenistan Ženewada Bosgunlar boýunça ähliumumy foruma gatnaşar
Türkmenistan şu ýylyň 13 — 15-nji dekabry aralygynda Ženewada geçiriljek Bosgunlar boýunça global foruma gatnaşar. Maslahatyň öňýanynda BMG-niň Almaty şäherindäki wekilhanasynyň binasynda geçiriljek foruma taýýarlyk boýunça sebitleýin tegelek stol geçiriler – diýip, Gazagystanyň Daşary işler ministrliginiň resmi saýtynda habar berilýär.
Ženewada geçiriljek foruma Merkezi Aziýa döwletleriniň – Türkmenistanyň, Gazagystanyň, Gyrgyzystanyň hem-de Özbegistanyň bosgunlaryň we raýatlygy bolmadyk şahslaryň meselesi bilen meşgullanýan pudaklaýyn dolandyryş edaralarynyň ýokary derejeli wekilleriniň gatnaşmagyna garaşylýar.
Maslahatyň gün tertibinde halkara jemgyýetçiligini bosgunlary goldamak üçin tagallalary güýçlendirmäge çagyrýan Bosgunlar hakynda ähliumumy ylalaşygy durmuşa geçirmek bilen baglanyşykly täze borçnamalary ara alyp maslahatlaşmak meselesi bar.
ORIENT news
