Ýaponiýanyň öňdebaryjy ýokary okuw mekdepleri diplom işlerini ýazmakda ChatGPT ulanmaklyga garşy çykdylar
Ýaponiýanyň öňdebaryjy ýokary okuw mekdepleri okuw we ylmy işler ýazylanda ChatGPT we emeli intellektiň beýleki görnüşleriniň ulanylmagyna garşy çykyş etdiler – diýip, NHK teleýaýlymy habar berýär.
Ýurduň öňdebaryjy ýokary okuw mekdepleriniň biriniň — Kioto uniwersitetiniň rektory – talyplara emeli intellekti ulanmazlyk barada duýdurdy, sebäbi EI tarapyndan döredilen tekstde ýalňyşlyklar bolup biler, mundan başga-da, talyp bilim işiniň möhüm bölegi bolan teksti özbaşdak ýazmakdan mahrum bolýar.
Ýaponiýanyň baş ýokary okuw mekdebi — Tokio uniwersiteti talyplar üçin içerki portalda rektoryň orunbasarynyň gol çeken bildirişini ýerleşdiripdir, onda «okuw işleriniň talyplaryň özleri tarapyndan ýazylmalydygy we munuň – başlangyç nokatdygyny we olaryň emeli intellekt tarapyndan döredilip bilinmejekdigi» bellenilýär.
Öz gezeginde Tohoku uniwersiteti emeli intellektiň ulanylmagynyň çap edilmedik işler baradaky maglumatyň ýaýramagyna ýa-da beýleki islendik gizlin maglumatyň aýan bolmagyna getirip biljekdigini belleýär.
ORIENT habarlar
