Türkmenistan öz raýatlary we daşary ýurtlylar üçin ýurda girmegiň düzgünlerini üýtgetdi
Türkmenistanyň raýatlary, şeýle hem ýurda resmi sapar bilen gelýän daşary ýurtlylar Türkmenistana gelende saglyk ýagdaýy barada goşmaça kepilnamany görkezmekden boşadylýarlar. Bu barada Belavia awiakompaniýasy resmi saýtynda habar berdi .
Şeýle hem şu aşakda görkezilen işgärlere goşmaça resminamalary görkezmek hökman däl:
— daşary ýurt diplomatik wekilahanalarynyň,
— Türkmenistanda akkreditirlenen konsullyk edaralarynyň we halkara guramalarynyň (şol sanda olaryň garyndaşlary we işgärleriň myhmanlary),
— Türkmenistanyň daşary ýurtlardaky diplomatik wekilhanalarynyň.
Türkmenistana gelýän beýleki ýolagçylaryň ýanynda «Ýolagçynyň saglyk ýagdaýyny kesgitleýän forma», doldurylan bolmalydyr, şeýle hem COVID-19 garşy sanjym alandygy baradaky şahadatnama ýa-da ýolagçynyň bu keseli geçirendigine şaýatlyk edýän COVID-19-yň testiniň «oňyn» netijesi bolmalydyr.
Şular bilen bir wagtda, ähli ýolagçylar COVID-19 ekspress-test barlagyny tabşyrmalydyrlar.
ORIENT habarlar
