Daşkent howa menzilinde ilkinji kapsulaly myhmanhana peýda bolar
Ýakyn wagtda Daşkent howa menzilinde 27 otagly ykjam myhmanhana peýda bolar. Özbegistanda bu görnüşdäki ilkinji myhmanhana howa duralgasynyň täze steril blogynda açylar. Onuň dolandyryşy hünärmen otelýere tabşyrylar - diýip, Podrobno.uz habar berýär.
Kapsulalar kiçijik amatly otag görnüşinde bir adamlyk krowat we zerur goşlaryň minimal toplumy - çyra, eşik üçin asgyç, el goşlary üçin tekje, stol bilen enjamlaşdyrylar. Şeýle otagda ýolagçy bir uçardan düşüp, beýleki uçaryň uçuş wagtyna çenli howa menzilinden çykmazdan we tranzit zonasyny terk etmezden, birnäçe sagatlap garaşyp biler.
Her otagda uçuşa indiwidual çakylyk ulgamy göz öňünde tutular. Şeýle hem kapsulaly myhmanhana gelýänler üçin maglumat tagtasy, şahsy gigiýena üçin zerur şertler bar. Ressepşen gije-gündiziň dowamynda işlär.
Kapsül myhmanhanasy gündogar äheňinde bezeler. Taslamanyň üstünde işleýän dizaýnerler we nakgaşler otaglarda Ýewropanyň minimalizmini we ykjamlygyny saklamak bilen, Gündogara mahsus kaşaňlygy görkezmäge synanyşdylar.
ORIENT news
