HYÖU-yň talyplary ilkinji gezek Wenada geçirilen halkara hukuk bäsleşiginde Türkmenistana wekilçilik etdiler
Türkmen talyplary ilkinji gezek hususy halkara hukugy we täjirçilik arbitraž boýunça dünýäniň iň abraýly talyp bäsleşigi bolan Willem S. Wies bäsleşigine gatnaşdylar.
Hukuk bäsleşiginde Türkmenistana Halkara Ynsanperwerlik we Ösüş Uniwersitetiniň (HYÖU) topary – halkara dolandyryş we hususy kanun fakultetlerinde okaýan 4-nji ýyl talyplary Şemşat Annageldiýewa, Altyn Orazberdiýewa, Leýli Dowyýewa we ikinji ýyl talyby Begli Ataýew wekilçilik etdiler.
Willem S. Wies adyndaky bäsleşigi Awstriýanyň Wena şäherinde doly iş güni geçirilip, oňa 89 ýurtdan 2500-den gowrak talyp we 1100 araçy ýygnandy.
HYÖU-niň topary, talapçynyň we jogapçynyň adyndan ähtnamalary görkezip, umumy diňlenişige gatnaşdy. Awstriýa bäsleşigi hukuk pudagyndaky geljekki hünärmenlere bilimlerini doldurmaga we hukuk hünäri boýunça halkara tejribesini hem-de başarnyklary özleşdirmäge mümkinçilik berdi.
Bäsleşik gatnaşyjylara halkara täjirçilik hukugyny we arbitražy, şeýle hem Halkara harytlary satmak baradaky Wena konwensiýasynyň düzgünlerini öwrenmäge mümkinçilik berýär. Mundan başga-da, bäsdeşlik görnüşinde toparlar aýry-aýry hukuk meselelerinde öz orunlaryny görkezmek, öz pikirini goramak, garşydaşlaryň delillerini we kazyýet işleriniň araçylarynyň soraglaryny görkezmek, toparlaýyn işleşmek we pikirlerini iňlis dilinde dogry beýan etmek endiklerini ulanýarlar.
Bäsleşik1993 ýyldan bäri, Birleşen Milletler Guramasynyň Halkara Söwda Hukuklary Geňeşiniň (UNCITRAL), birnäçe halkara arbitraž institutlarynyň (ICC, LCIA, CIETAC, SCC we ş.m.) howandarlygynda, şeýle hem Peýs (Pace University), Kwin Meri (Queen Mary), Stokgolm (Stockholm University), Wena (University of Vienna) uniwersitetleriniň goldawynda her ýyl geçirilýär.
ORIENT news
