12-14-nji aprelde tutuş Türkmenistanyň çäginde çenden aşa yssy howanyň bolmagyna garaşylýar
12-14-nji aprelde Türkmenistanyň tutuş çäginde täze aňrybaş temperatura rekordlary goýlar - diýip, «Meteožurnal» habar berýär. Käbir welaýatlarda termometriň sütüni +40 gradus bellikden geçer.
Çenden aşa yssynyň esasy sebäbi — fen prosessleridir, olaryň netijesinde Eýranyň çäginden howa massalarynyň zyňylyşy emele gelýär we olaryň Köpetdagyň eňňitlerinde gyzmagy bolup geçýär.
Şeýlelikde, 12-nji aprelde Ahal, Balkan we Mary welaýatlarynda ýokary temperaturalaryň bolmagyna garaşylýar, bu sebitlerde temperatura +46— +41 gradus bolar.
Hazaryň kenarýaka etraplarynda biraz pes bolar: ol ýerde temperatura +18 — +23 gradusa ýeter. Daşoguz welaýatynda — howanyň derejesi +36 — +41 gradus bolar.
13-nji aprelde Lebap welaýatynyň käbir etraplarynda temperatura +42 gradusdan geçip biler, şoňa meňzeş yssy günler Ahal welaýatynda hem bolar. Balkan we Daşoguz welaýatlarynda +36 — +41 gradus bolar.
Diňe 14-nji aprelde howanyň temperaturasy birneme aşaklar. Balkan welaýatynda termometriň sütüni +16 — +21 gradusa çenli düşer, Ahalda— +21 — +26 gradusa, Lebapda — +23 — +28 gradusa çenli, Daşoguzda — +20 —+25 gradusa çenli peseler.
Yssy howa Mary welaýatynda saklanar, ol ýerde temperatura ujypsyz peseler — howa +32 — +37 gradusa çenli gyzar.
Sowuk frontyň gelmegi bilen howanyň temperaturasy peselip başlar, şol sebäpli käbir sebitlerde ýerli ýagyşlar we tupan peýda bolmagy mümkin. Türkmenistanda şunuň ýaly aprel aýynda yssy howa birnäçe onýyllykdan gaýtalanýar. Soňky gezek şeýle howa Aşgabatda 2008-nji ýylda hasaba alnypdy.
ORIENT habarlar
