Türkmenistan we ÝUNFPA ýaşlar syýasaty babatynda hyzmatdaşlygy işjeňleşdirmegi meýilleşdirýärler
Türkmenistanyň DIM-niň baştutanynyň orunbasary Mähri Bäşimowa BMG-niň Ilat gaznasy edarasynyň baştutany Aýna Seýitliýewa bilen gepleşikleri geçirdi, onuň barşynda ýaşlar syýasaty babatynda hyzmatdaşlygy işjeňleşdirmegi ara alyp maslahatlaşdylar.
Şeýle hem duşuşygyň barşynda 2021-2025-nji ýyllar üçin tassyklanan ýurt maksatnamasynyň çäklerinde özara hereket etmegiň meselelerine degilip geçildi – diýip, Türkmenistanyň daşary syýasat edarasynyň saýty habar berýär.
Şu jähtde söhbetdeşler Türkmenistanyň ministrlikleri we döwlet düzümleri bilen bilelikdäki üstünlikli alnyp barylýan işleri belläp geçdiler, şol sanda zenanlaryň hukuklarynyň giňeldilmegi, gender deňligi, reproduktiw saglyk we maşgalany meýilleşdirmek ýaly ugurlarda bilelikdäki işleri barada durup geçdiler.
ORIENT habarlar
