ÝHHG Türkmenistanda sanly mediýanyň wekilleri üçin okuw geçirer

Aprel 10, 2023 | 17:50 |6769

12-13-nji aprelde ÝHHG-nyň Aşgabatdaky Merkezi tarapyndan jemgyýetçilik bähbitlerine degişli meseleleri beýan etmekde sanly kontenti döretmek üçin onlaýn-platformalary ulanmak boýunça okuw kursy geçiriler.

Okuwy Beýik Britaniýadan gelen halkara bilermen Marek Bekerman we Polşadan gelen halkara bilermen Ýakub Parusinskiý geçirerler. Olar Türkmenistanyň KHBS-niň wekillerini täzelikleri sanly beýan etmegiň düzgünleri, žurnalistler üçin onlaýn-gurallar bilen tanyşdyrarlar, şeýle hem materiallary nähili usul bilen sosial torlara uýgunlaşdyrmak we täze auditoriýany çekmek barada gürrüň bererler.

Amaly sapaklarda oňa gatnaşyjylar dürli platformalar üçin multimediýa kontenti döretmek babatyndaky başarnyklaryny gowulandyryp bilerler.

ORIENT habarlar