Türkmenistanyň DIM-niň HGI türkmen mekdep okuwçylarynyň arasynda olimpiadany geçirdi
Türkmenistanyň DIM-niň Halkara gatnaşyklary institutynda Açyk gapylar gününiň çäklerinde ýurduň mekdepleriniň gutardyş synplarynyň okuwçylarynyň arasynda olimpiada geçirildi.
Türkmen mekdep okuwçylary Türkmenistanyň taryhy, matematika, türkmen we iňlis dilinden öz bilimlerini görkezdiler.
Ders olimpiadasy türkmen mekdepleriniň zehinli okuwçylaryny ýüze çykarmaga, ösüp gelýän ýaş nesilde häzirki zaman sanly tehnologiýalaryndan peýdalanmak başarnyklaryny ösdürmäge niýetlenendir. Ol şeýle hem Türkmenistanda 2021-2025-nji ýyllarda sanly ykdysadyýeti ösdürmegiň Konsepsiýasyny ýerine ýetirmäge we ýurtda daşary ýurt dillerini okatmaklygy kämilleşdirmek Konsepsiýasyna ýardam eder.
Türkmenistanyň DIM-niň Halkara gatnaşyklary institutynda «Açyk gapylar güni» her ýyl geçirilýär. Onuň çäklerinde ýurduň ähli ýerlerinden okuwçylar ýokary okuw mekdebiniň gurluşy, halkara gatnaşyklary babatynda ýokary hünärli hünärmenleri taýýarlamak işi bilen tanyşýarlar.
ORIENT habarlar
