Bahasy $500 millionlyk optiki-süýümli internet-kabeli Hytaý bilen Fransiýany birleşdirer
Hytaýyň döwlet telekommunikasion kompaniýalary Aziýany, Ýakyn Gündogary we Ýewropany birleşdirjek suwasty optiki-süýümli internet-kabeli çekmegi meýilleşdirýärler-diýip, Reuters habar berýär.
Bahasy $500 millionlyk kabeliň çekilmegi kontinental Hytaýyň çäginden başlanar we Gonkongdan, Singapurdan, Saud Arabystanyndan we Müsürden geçip, Fransiýa çenli baryp ýeter.
Çeşmeleriň bellemeklerine görä, taslamany ýerine ýetirmek üçin jogapkärçiligi HMN Technologies Co Ltd kompaniýasy öz üstüne alar, onuň paýnamalarynyň gözegcilik bukjasy meşhur Huawei Technologies Co Ltd degişlidir.
Häzirki wagtda dünýä internet-trafiginiň 95%-den gowragy global internet kompaniýalaryna degişli bolan suwasty kabeller arkaly geçýär. Bu öňdebaryjy infrastruktura çenden aşa uzak aralyklara maglumatlaryň tiz we ygtybarly berilmegini üpjün edýär.
ORIENT habarlar
