Türkiýäniň parlamenti gaz merkezini döretmek üçin zerur bolan üýtgetmeleri tassyklady
Türkiýäniň parlamenti gaz merkezi taslamasyny durmuşa geçirmek maksady bilen “Botas” döwlet nebitgaz kompaniýasynyň gurluşyna girizilen üýtgetmeleri tassyklady. Bu barada “Sabah” gazeti ýazýar.
Türkiýäniň Energetika we tebigy baýlyklar ministri Fatih Dönmez mart aýynyň başynda Russiýanyň Türkiýede gaz merkezini döretmek teklibi baradaky meseläniň ara alyp maslahatlaşmak üçin mejlise hödürlenjekdigini habar berdi, taslamany durmuşa geçirmek üçin kanunçylyk üýtgetmeleri zerur.
“Türkiýäniň Beýik Millet Mejlisi tarapyndan kabul edilen kanun taslamasy hususy pudagyň tebigy gazy import etmegine ýol açar. Türkiýäni energiýa merkezine öwürmek üçin “Botas” kompaniýasynyň gurluşy üýtgediler” – diýip, gazetde bellenilýär. Üýtgetmelere laýyklykda, täze bölümler we kompaniýalar dörediler.
“Botasyň işini bölmek we üýtgedip gurmak maksady bilen dörediljek kompaniýalaryň alyp barjak işleri, maýasy we paýnama gurluşy, şeýle hem geçirilmegi we şuňa meňzeş amallar bilen baglanyşykly meseleler Prezidentiň karary bilen düzgünleşdiriler” – diýlip, neşirde ýazylýar.
Mundan başga-da, tebigy gaz importynyň “Botas” we hususy pudagyň ýuridiki şahslary üçin liberallaşdyryljakdygy barada bellenilýär. Ýöne bu düzgünler suwuklandyrylan tebigy gazyň (LNG) we turbageçiriji arkaly üpjün edilýän spot gazynyň importyna degişli däldir.
ORIENT news
