TDHÇB-daky söwdalaşyklar: düz (float) aýnaönümi eksport edildi
Sişenbe güni, Türkmenistanyň Döwlet haryt-çig mal biržasyndaky söwdalaşyklarda jemi bahasy $561,4 müň amerikan dollaryna deň bolan 2 geleşik baglaşyldy – diýip, ORIENT-iň habarçysy habar berýär.
Özbegistandan gelen işewürler dürli galyňlykdaky düz (float) aýnanyň jemi 100 müň inedördül metrini önümiň her inedördül metrine $4,07-den $6 amerikan dolaryna çenli baha hödürläp satyn aldylar.
Türkmenistanyň Senagat we gurluşyk önümçiligi ministrligi bilen baglaşylan geleşikleriň jemi bahasy $561,4 müň amerikan dollaryndan geçdi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
