Medeniýet ministrligi öz garamagyndaky binalaryň düýpli abatlaýyş işlerini geçirer
Aprel 04, 2023 | 05:27 |7009
Türkmenistanyň Medeniýet ministrligi öz garamagyndaky medeniýet we bilim edaralarynyň düýpli abatlaýyş işlerini geçirmek we ýanaşykçäklerini abadanlaşdyrmak boýunça tender-bäsleşigini yglan etdi.
Potratçylaryň bäsleşigine Türkmenistanyň çäklerinde hasaba alnan kompaniýalar gatnaşyp bilerler. Munuň üçin gyzyklanýan tarap özüniň doly adyny, hukuk derejesini görkezmeli we degişli ýüz tutmany doldurmaly.
Şeýle hem maddy-tehniki binýady, ozal ýerine ýetirilen taslamalar baradaky maglumaty we TSTB-den kepilnamany tabşyrmaly. Teklipler 2023-nji ýylyň 15-nji maýyna çenli şu salgyda kabul ediler: Aşgabat şäheri, Bitarap Türkmenistan şaýoly, 461.
Habarlaşmak üçin telefon belgisi: 44-00-08, 44-00-32.
ORIENT habarlar
