Döwlet gümrük gullugynda eksport-import amallary üçin web-portalyň ornaşdyrylmagynyň ösüşini ara alyp maslahatlaşdylar
Türkmenistanda «Eksport-import amallary üçin birpenjiräniň» ornaşdyrylmagy boýunça pudagara toparynyň nobatdaky mejlisi geçdi – diýlip, ýurduň Döwlet gümrük gullugynyň saýtynda habar berilýär.
Gatnaşyjylar degişli ministrlikleriň we edaralaryň bitewi web-portalyň çäklerinde özara hereket etmegiň we utgaşdyrylan maglumat işjeňliginiň meselelerini ara alyp maslahatlaşdylar.
Şeýlelikde, häzirki wagta çenli Türkmenistanyň Ministrler Kabinetiniň ýanyndaky Ulag we kommunikasiýa agentliginiň, Maliýe we ykdysadyýet ministrliginiň Salgyt müdirliginiň, şeýle hem Türkmenistanyň Döwlet haryt-çig mal biržasynyň maglumatlar ulgamlary bilen aragatnaşyk ýola goýuldy. Meýilnamalarda— oňa Içeri işler ministrliginiň we Türkmenistanyň Döwlet migrasiýa gullugynyň utgaşdyrylmagy barada bellenip geçildi.
Türkmenistanyň Döwlet gümrük gullugynyň bitewidöwlet maglumatlar web-portaly bolan «Eksport-improt amallary üçin bir penjiräniň» dolandyryjysy we saklaýjysydygyny belläp geçmelidiris.
Platformanyň talabalaýyk işlemegi üçin edara Türkmenistanyň gümrük araçäginden harytlary we ulag serişdelerini geçirmek boýunça gözegçilikli işlerialyp barýan ygtyýarlandyrylan edaralaryň, kärhanalaryň we guramalaryň arasynda maglumat alşygyny üpjün edýär. Taslama tarapyndan «Birpenjire» maglumatlar ulgamy arkaly eksport-import amallary ýerine ýetirilende talap edilýän rugsat beriji resminamalaryň we şahadatnamalaryň resmileşdirilmegi göz öňüne tutulandyr.
ORIENT habarlar
