OPEK + ýurtlary ýylyň ahyryna çenli nebit gazyp almagy azaldar
Ýedi ýurt, şol sanda Russiýa we Gazagystan ýylyň ahyryna çenli nebiti gazyp alyşy meýletin azaltmak barada karar kabul etdiler. Bu barada Peuters habar berýär.
«Jogapkärçilikli we öňüni alyş çäresi hökmünde Russiýa garaşsyz çeşmelere laýyklykda kesgitlenen fewraldaky nebit önümçiliginiň ortaça derejesinden 2023-nji ýylyň ahyryna çenli her gün 500 müň barreli meýletin azaldar» - diýlen wise-premýer Aleksandr Nowakyň beýany Russiýa Federasiýasynyň hökümetiniň portalynda çap edildi.
Saud Arabystany hem gazyp alyşy 500 müň barrele çenli azaldar. «Energetika ministrliginiň wekili, Saud Arabystany Patyşalygynyň OPEK-iň käbir beýleki ýurtlary we OPEK-e girmeýän, hyzmatdaşlygyň jarnamasyna gatnaşýan ýurtlar bilen utgaşyp, maý aýyndan 2023-nji ýylyň ahyryna çenli gazyp alyşy her gün 500 müň barrele çenli meýletin azaltjakdygyny aýtdy», - diýip, Patyşalygynyň SPA döwlet agentligi habar berdi.
Saud Arabystanynyň Energetika ministrliginde bularyň hemmesiniň diňe meýletindigi we geçen ýylyň oktýabr aýynda tassyklanan kwotalara goşmaça hökmünde bellendi.
Gazagystan önümçiligini günde 78 müň barrele çenli azaldar. Bu barada Respublikanyň Energetika ministrliginiň metbugat gullugy aýtdy.
«Gazagystan, OPEK + -e beýleki gatnaşyjy-ýurtlary bilen bilelikde maý aýyndan 2023-nji ýylyň ahyryna çenli günde 78 müň barrel gazyp alyşy meýletin azaldar», — diýip RIA agentligi habar berýär.
Azaltmagyň 2022-nji ýylyň 5-nji oktýabrynda geçirilen 33-nji OPEK + ministrler mejlisinde kabul edilen önümçiligiň azaldylmagyna goşmaça ätiýaçlyk çäresi bolandygy aýdyňlaşdyryldy.
ORIENT news
