Türkmen wekiliýeti Belarusdaky maslahatda demir ýollaryň mümkinçiligini ara alyp maslahatlaşdy
Demir ýollaryň mümkinçiligi, üstaşyr ýük daşamalar, «Demirgazyk-Günorta» we «Günbatar-Gündogar» geçelgeleri, şeýle hem demir ýol ugurlarynyň täze geljegi türkmen wekiliýetiniň gatnaşan Belarusda geçirilen maslahatyň esasy maslahatlaşylýan meseleleri boldy.
«Tagallalary birleşdirip – umumy üstünlige tarap» diýen şygar astynda geçen «2023. Demir ýol logistikasy: ösüşiň wajyp wezipeleri» atly Halkara maslahat Belarus demir ýollary tarapyndan gurnaldy – diýip, «Türkmenawtoulaglarynyň» saýty habar berýär.
Maslahatyň işine Türkmenistanyň, Russiýanyň, Belarusyň, Gazagystanyň, Özbegistanyň demir ýollarynyň ýolbaşçylary, şeýle hem Hytaýdan kompaniýalar gatnaşdylar. Ol öz meýdanynda 6 ýurtdan jemi 160 gatnaşyjyny ýygnady.
Maslahatyň jemleri boýunça öňdebaryjy sebitleýin logistika kompaniýalarynyň duşuşyklary geçirildi.
ORIENT habarlar
