TDHÇB-daky söwdalaşyklar: tehniki kükürt we uçar kerosini ýokary islege eýe boldular
Sişenbe güni, 28-nji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $13,2 mln amerikan dollaryna deň bolan 10 geleşik baglaşyldy – diýip, ORIENT-iň habarçysy habar berýär.
BAE-den, Türkiýeden we Owganystandan gelen işewürler tehniki granulirlenen kükürdiň jemi 130 müň tonnasyny $5,4 mln amerikan dollaryna satyn aldylar. Önümiň her tonnasyna $42 amerikan dollary baha berildi.
Öz gezeginde, BAE-niň we Özbegistanyň işewür toparlarynyň wekilleri ТС-1 kysymly uçar kerosininiň 11,5 müň tonnasyny $7,8 mln amerikan dollaryna satyn aldylar. Nebit önüminiň bahasy her tonnasyna $678,50 amerikan dollary diýlip kesgitlendi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
