Türkmenbaşyda 100 orunlyk ýokanç keseller hassahanasynyň gurluşygyna girişiler
100 orunlyk täze ýokanç keseller klinikasy Türkmenistanyň Balkan welaýatynyň Türkmenbaşy şäherinde peýda bolar. Munuň üçin zerur bolan serişdeleri satyn almak barada Türkmenistanyň Maliýe we ykdysadyýet ministrliginiň tender-bäsleşigini yglan etmek hakyndaky bildirişi «Türkmenistan» gazetinde çap edildi.
Gurluşyk Balkan welaýatynyň häkimliginiň buýurmasynyň esasynda amala aşyrylar. Materiallar bilen üpjün etmekden başga-da, potratçy suw we gaz üpjünçilik ulgamlaryny çekmelidir.
Klinikanyň gurluşygy ozal «Çeper gurluşyk» kompaniýasyna ynanylypdy. 2021-nji ýylda port şäherinde öňdebaryjy ýewropa tehnologiýalary bilen enjamlaşdyrylan ýokanç keseller hassahanasy açylypdy.
Tendere gatnaşmak üçin ýüz tutmany 17-nji aprele çenli şu salgy boýunça tabşyryp bolýar: Aşgabat şäheri, Arçabil şaýoly, jaý 156 (Maliýe ministrliginiň binasy).
Habarlaşmak üçin telefon belgileri: 39-46-39, 39-46-38, 39-46-32.
ORIENT habarlar
