Özbegistanyň Boks federasiýasy dünýä çempionatyna boýkot edýär: sport syýasatdan daşda bolmaly
Özbegistan – boks boýunça indiki dünýä çempionatynyň ýer eýesi, halkara sport ülňülerine eýerýär we «sport syýasatdan daş» ýörelgesini goldaýar – diýip, anna güni Respublikanyň boks federasiýasy habar berdi.
2022-nji ýylyň 5-nji oktýabrynda Halkara boks birleşigi (IBA) Russiýadan we Belarusiýadan gelen türgenleriň ýaryşlara kabul ediljekdigini habar berdi. Türgenler öz ýurtlarynyň baýdaklary astynda halkara ýaryşlaryna gatnaşyp bilerler we ýeňiş gazanan ýagdaýynda milli gimnleri ýaňlanar. Şunuň bilen baglylykda, ruslara rugsat berilmegi sebäpli ABŞ, Kanada, Beýik Britaniýa we Ukraina ýaly birnäçe ýurduň boks birleşikleri dünýä çempionatlaryna gatnaşmakdan ýüz öwürdiler.
«Özbegistan halkara sport ülňülerine eýerýän we sportyň syýasatdan daşdadygy ýörelgesini goldaýan döwlet» - diýip, Özbegistanyň Milli Olimpiýa Komitetiniň saýtynda çap edilen, Federasiýanyň beýanynda aýdylýar.
Gurama, ulularyň arasynda boks boýunça dünýä çempionatynyň IBA tarapyndan her iki ýylda bir gezek geçirilýändigini we gurnalýandygyny ýatlatdy.
«Özbek tarapynyň bäsleşige gatnaşmak üçin hasaba alnan ýurtlaryň çykyş edip etmejeklerini, şeýle hem ol ýa-da beýleki milli ýygyndy toparyny dünýä çempionatyna gatnaşýanlaryň sanawyna goşup ýa-da aýyrjakdygyny kesgitlemäge ygtyýary ýok» - diýip, Federasiýada bellediler.
«Ýurdumyz ýetip gelýän uly ýaryşlary geçirmek hukugyny alan wagtynda käbir toparlaryň ýa-da türgenleriň halkara ýaryşlaryna gatnaşmagyna häzirki çäklendirmeler ýokdy» - diýip, guramada aýtdylar.
Aýal-gyzlaryň dünýä çempionaty 2023-nji ýylyň martynda Nýu-Delide (Hindistan), erkekleriň ýaryşy maý aýynda Daşkende (Özbegistan) geçiriler.
ORIENT news
