«Galkan» hokkeý boýunça Türkmenistanyň çempiony boldy
«Galkan» hokkeý kluby milli birinjiligiň tamamlanmagyna dört tapgyr galanda Türkmenistanyň Goranmak ministrliginiň Harby institutynyň «Watançy» toparyny 8:1 hasabynda ýeňip, ýurduň çempiony boldy.
Ýaryşyň hasap boýunça sekizinji oýnalyşynyň guramaçylary bolup Türkmenistanyň Bedenterbiýe we sport baradaky döwlet komitetiniň goldamagynda Hokkeý boýunça milli federasiýasy çykyş etdi.
Geçen ýylyň noýabrynda başlanan çempionatda «Galkandan» we «Watançydan» başga-da «Türkmengaz» döwlet konserniniň «Oguzhan» kluby, IIM-niň institutynyň «Nesil» we Serhet gullugynyň institutynyň «Merdana» kluby medal üçin göreşdiler.
«Galkan» hokkeý boýunça Türkmenistanyň çempiony adyny 8-nji gezek yzly-yzyna gazandy. Bu üstünlige topar baş tälimçi Baýram Allaýarowyň ýolbaşçylygynda ýetdi.
Ýurduň çempionynyň toparyna 95 göterimi milli ýygyndynyň oýunçylary girýärler, olar ýakyn wagtda dünýä Çempionatyna «A» toparyň üçünji diwizýonynda taýýarlygyň tamamlaýjy tapgyryny geçirerler, ol şu ýylyň 17-nji aprelinden 23-nji apreli aralygynda Günorta-Afrika Respublikasynda geçiriler.
ORIENT habarlar
