Türkmen agyr atletikaçylary Zelenodolskide taýýarlyk ýygnanyşyklaryny geçirýärler
Türkmenistanyň agyr atletika boýunça ýetginjekler Ýygyndysynyň topary okuw-türgenleşik ýygnanyşyklaryny geçirmek üçin Russiýanyň Zelenodolsk şäherine ugradylar.
Ýygnanyşyklarda türkmen ýygyndysynyň düzümini dokuz ştangaçy emele getirdi. Oňa Nurbek Azamatow, Perhat Bagtyýarow, Didarbek Jumabaýew, Süleýman Jafarow, Ogulşat Amanowa, Şebnam Kerimbaýewa, Medine Amanowa, Gülälek Kakamyradowa we Anamjan Rustamowa girdiler. OTÝ-nyň barşynda topara Gurbandurdy Amanow we Ahmet Saryýew ýolbaşçylyk edýärler.
Nazaryýet okuwlary bilen bir hatarda hünärmenler türgenler üçin amaly sapaklary hem geçirerler.
Bu okuw-türgenleşik ýygnanyşyklary agyr atletika boýunça öňde duran sport ýaryşlaryna taýýarlyk bolar. OTÝ-ry 25-nji marta çenli dowam eder.
ORIENT habarlar
