USAID Türkmenistandan daşary ýurtlara söwdany ilerletmek boýunça maslahat beriş guramalarynyň katalogyny çykardy
Amerikanyň Birleşen Ştatlarynyň Halkara ösüş agentliginiň (USAID) Merkezi Aziýadaky söwda maksatnamasynyň çäklerinde Türkmenistandan daşary ýurtlara söwdany ilerletmek boýunça Maslahat beriş guramalarynyň katalogyny çykardy.
Türkmen we rus dillerinde düzülen katalogda eksport konsaltingi, gümrük we hukuk hyzmatlary, şeýle hem marketing pudagynda, önüm öndürmek, sertifikat taýýarlamak, satuw ulgamyny ösdürmek we ş.m. hyzmatlary hödürleýän 40-dan gowrak maslahat berijiler hakda maglumatlar bar.
Bu kataloga kompaniýalaryň bazardaky tejribesi we olaryň aragatnaşyk maglumatlary barada maglumatlar goşulýar. Interaktiw nawigasiýa elementleriniň bolsa katalogda zerur kompaniýalary gözlemegi has hem aňsatlaşdyrypdyr.
Eksport etmegi işleýänler üçin katalogda berilýän aşakdaky habar beriji maglumatlar hem olar peýdaly bolar:
– öz maslahatçyňy saýlap almak,
– maslahatçy bilen işi guramak,
– öz eksport etmeklige taýýarlygyňy özbaşdak kesgitlemek,
– tehniki tabşyrygy ýazmak.
Katalogda özleri hakda maglumat goşmak isleýän maslahat beriji kompaniýalar anketany dolduryp, ony 2022 ýylyň 31-nji oktýabryna çenli TCA_ExportSupport@dai.com salgysy boýunça iberip bilerler. Has giňişleýin maglumaty almak üçin ABŞ-nyň Halkara ösüş agentliginiň Merkezi Aziýadaky söwda maksatnamasynyň wekiline (+993 65) 68-79-65 boýunça ýüz tutup bilersiňiz.
ORIENT news
Surat: publicnewstime.com
