Gyrgyzystan 350 million kub metr türkmen gazyny satyn almagy meýilleşdirýär

Oktýabr 27, 2022 | 21:45 |4036

«24 KG» portalynyň habar bermegine görä, Gyrgyzystan Türkmenistandan 350 million kub metr gaz satyn almak barada gepleşikleri geçirýär – diýip, hökümet mejlisinde bu ýurduň energetika ministri Taalaýbek Ibraýew beýan edipdir.

«... Her bir zadyň öz tertibi bar. 350 million kub metr gaz satyn almak üçin hem gepleşikler alnyp barylýar. Biz öz bahamyzy teklip etdik. Meniň orunbasarym şu mesele boýunça Aşgabada bardy» – diýip, ol ministr nygtady.

Energetika ministrliginiň baştutany şeýle hem geçen hepde bu iki ýurduň Türkmenistandan Gyrgyzystana 2 milliard kilowatt sagat elektrik energiýasyny ibermek boýunça ylalaşyga gelendigini belledi.

ORIENT news
Surat: news.myseldon.com