Si Szinpin: hytaý-türkmen gatnaşyklaryny täze derejä tarap öňe ilerletmeli
HHR-niň başlygy Si Szinpin Türkmenistanyň Prezidenti Serdar Berdimuhamedowyň Hytaý Halk Respublikasynyň jar edilmeginiň 73 ýyllygy mynasybetli gutlagyna jogap hatyny iberdi.
“Men hytaý-türkmen gatnaşyklaryny ösdürmäge uly üns berýärin we Siziň bilen bilelikde strategik hyzmatdaşlygymyzy mundan beýläk-de täze derejä çykarmaga, iki ýurduň hem-de halklarymyzyň abadançylygynyň bähbidine Hytaýyň we Türkmenistanyň bitewi ykbalynyň bileleşigini gurmak üçin umumy tagallalary etmäge taýýardyryn” diýlip, teleradioýaýlymlarda täzelikleriň agşamky goýberilişinde Türkmenistanyň milli habarlar gullugy tarapyndan beýan edilen hatda aýdylýar.
Şeýle hem Hytaýyň lideri Türkmenistanyň Baştutany bilen golaýda Samarkantda ŞHG-niň sammitiniň barşynda geçirilen duşuşygy hem-de hyzmatdaşlyk boýunça gazanylan ylalaşyklary ýatlady.
ORIENT news
