Täjigistan Türkmenistanyň üsti bilen täze ugurda Türkiýä ýük otlusyny iberdi
Oktýabr 20, 2022 | 00:00 |7680
News.mrud.ir neşiriniň habar bermegine görä, Täjigistandan ilkinji ýük otlusy Özbegistan, Türkmenistan we Eýran sebitleri arkaly Türkiýä ugrady.
Täjigistanyň Transport ministri Azim Ibrohimiň çakylygy boýunça köpugurly transport koridoryna gatnaşýan ýurtlaryň wekiliýetleri açylyş dabarasyna gatnaşdylar.
Şol bir wagtyň özünde Täjigistanda täze ugur boýunça harytlaryň üstaşyr geçişini ýylda 20 million tonna çenli ýokarlandyrmagy maksat edinýän logistika konferensiýasy geçirildi. Bu meýilnamany durmuşa geçirmek üçin Täjigistan ikitaraplaýyn hyzmatdaşlygyň işlemegi üçin bilelikdäki hereket meýilnamasyny we Özbegistan bilen täze tranzit şertnamasyny baglaşmagy maksat edinýär.
ORIENT news
Surat: business.com.tm
