Türkmenistanyň we Awstriýanyň ÝOM-leri hyzmatdaşlyk maksatnamasyny giňeldýärler
Türkmenistanyň Halkara ynsanperwer ylymlary we ösüş uniwersiteti bilen Awstriýanyň Krems amaly ylymlar uniwersiteti özara düşünişmek hakyndaky Ähtnama bilen hyzmatdaşlygy giňeltmek meýillerini berkitdiler.
Bu resminama 10-njy oktýabr, duşenbe güni HYY we ÖU-niň rektory Esen Aýdogýýew we University of Applied Sciences Krems-iň ýerine ýetiriji direktory professor Karl Ennsfellner gol çekdiler.
Memoranduma laýyklykda, bu iki uniwersitet bilim we barlag taslamalarynda işjeň hyzmatdaşlyk eder, şol sanda talyplar bilen alyş-çalyş maksatnamalaryny durmuşa geçirer.
HYY we ÖU-niň öňdebaryjy daşary ýurt uniwersitetleri bilen hyzmatdaşlyk maksatnamalarynyň çäginde alyp barýan halkara işi uniwersitetiň Türkmenistanyň ýokary bilim ulgamynda ornuny ýokarlandyrmaga we mundan beýläk-de dünýäniň bilim we ylmy jemgyýetçiligine goşulyşmaga gönükdirilendir.
ORIENT news
