Jon Hamilton: ownuk, ýöne juda ähmiýetli zatlar barada
"Biz hemmämiziň öz gündelik durmuşymyzda başaryp biljek juda ähmiýetli ownuk zatlarymyz hakynda pikirlenmek üçin birleşdik" – diýip, Beýik Britaniýanyň Aşgabatdaky ilçihanasynyň işleri wagtlaýyn ynanylan wekili Jon Hamilton ýekşenbe güni Aşgabatda geçirilen klimat eko-festiwalynda ORIENT bilen söhbetdeşlikde aýtdy.
Hamilton howa we daşky gurşaw meseleleriniň bütin dünýäniň ýaşlary üçin aýratyn möhümdigini, sebäbi bu olaryň durmuşynyň möhüm meselesi bolup durýandygyny aýtdy.
Gürrüňi edilýän şol “ownuk zatlara” gündelik meseleler, ýagny plastik haltajyklaryň ýerine pagta haltajyklary, bir gezek ulanylýan plastmassa gaplarynyň deregine köpgezeklik aýna gutylary we ş.m. degişlidir.
Hamiltonyň pikiriçe, uglerod ulanmak bilen tebigata ýetirýän zyýanymyz barada zir-zibil zyňyşdyrmakdan ýetýän zyýan ýaly derejede pikirlenmäge öwrenişsek, onda biz oýlanyşykly bir karara gelerdik, ýagny awtoulag ulanmagyň ýerine tigir sürmek ýa-da pyýada gezmegi saýlardyk.
"Biziň ýurtlarymyzyň hökümetleriniň – meniň ýurdumyň hökümetiniň, Türkmenistanyň hökümetiniň bu ugurda alyp barýan işlerine şu uzypsyz hasaplanýan zatlary goşsaňyz, dünýä derejesinde uly ähmiýete eýe bolar we planetany häzirkizaman ýaşlary üçin howpsuz gurşaw bilen üpjün eder" – diýip, diplomat aýtdy.
ORIENT news
Foto we wideo: Süleýman Çaryýew
