TDHÇMB-niň söwdalary: bahasy $12 milliondan gowrak bolan giň görnüşli nebit önümleri eksporta ýerlenildi
Anna güni, 7-nji oktýabrda Türkmenistanyň Döwlet haryt-çig mal biržasynyň söwdalarynda umumy bahasy $12,2 million hem-de 10,7 million manat bolan 14 geleşik baglaşyldy diýip, ORIENT-iň habarçysy habar berýär.
Owganystanyň işewür toparlary 2 müň tonna suwuklandyrylan gazy $972 müň satyn aldylar. STG-niň bir tonnasynyň bahasy $486 deň boldy. Türkiýäniň we Owganystanyň telekeçileri L-0,2-62 görnüşli dizel ýangyjynyň 3,5 müň tonnasyny $3,8 million (bir tonnasyna $1 086) satyn aldylar.
BAE-niň hem-de Türkiýäniň işewürleri umumy bahasy $3 million (bir tonnasyna $1 müň) bolan ýakylan nebit koksunyň 3 müň tonnasyny satyn almaga geleşik baglaşdylar. Şeýle hem, Özbegistanyň, Türkiýäniň we Owganystanyň telekeçileri $4,5 milliona (tonnasyna $901) deň bolan peç ýangyjynyň 5 müň tonnasyny satyn aldylar.
Içerki bazarda ýerli telekeçi 10,7 million manatlyk tehniki külkelenen kükürdiň 5 müň tonnasyny satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
