Türkmen alymlary bolup biljek ýer titremeleriň netijelerini aradan aýyrmak baradaky meseleleri ara alyp maslahatlaşdylar
Türkmenistanyň Ylymlar akademiýasynyň alymlary we agzalary «Türkmenistanda seýsmiki howplara baha bermegiň usullary» atly maslahatynda mümkin bolan ýer titremeleriň bolup biljek netijelerini azaltmak meselelerini ara alyp maslahatlaşdylar. Bu barada «Нейтральный Туркменистан» gazeti ýazýar.
Ylmy işgärleriň bu duşuşygy ýurdumyzyň Ylymlar akademiýasynyň Seýsmologiýa we atmosferanyň fizikasy instituty we Türkmenistanyň Gurluşyk we binagärlik ministrliginiň ýanyndaky Seýsmiki ýagdaýa durnukly gurluşyk ylmy-barlag instituty tarapyndan guraldy.
Maslahata gatnaşyjylar seýsmiki we geofiziki gözegçiligi üpjün etmegiň, ylmy gözlegleriň geçirilmeginiň we gurluşygyň düzgünleriniň, kadalarynyň we talaplarynyň berjaý edilmeginiň möhümdigini belläp geçdiler.
Bu maslahat 1948-nji ýyldaky Aşgabat ýer titremesiniň 74 ýyllygyna bagyşlandy we «Türkmenistanyň seýsmiki taýdan howply zolaklarynda seýsmiki töwekgelçiligi peseltmek» döwlet maksatnamasyny amala aşyrmagyň we Adatdan daşary ýagdaýlar baradaky Türkmenistanyň Döwlet toparynyň iş meýilnamasynyň çäklerinde geçirildi.
ORIENT news
Surat: www.undp.org
