TDHÇMB-niň söwdalary: STG 4 müň tonnasy eksporta ýerlenildi
Çarşenbe güni, 5-nji oktýabrda Türkmenistanyň Döwlet haryt-çig mal biržasynyň söwdalarynda umymy bahasy $1,8 million bolan 5 geleşik baglaşyldy diýip, ORIENT-iň habarçysy habar berýär.
Owganystanyň telekeçileri söwdalarda suwuklandyrylangazyň jemi 4 müň tonnasyny satyn aldylar, bir tonnasynyň bahasy $465,50 bilen kesgitlenildi. Geleşigiň umymy bahasy $1 862 000 deň boldy.
Eksporta ugradylan suwuklandyrylan gaz Türkmenistanyň Balkan welaýatynda Türkmenbaşydaky nebiti gaýtadan işleýän zawodlar toplumynda öndürildi.
Şeýle hem, 4-nji oktýabrda TDHÇMB-niň söwdalarynda içerki bazarda ýerli işewürler 5,2 müň manada elde dokalan türkmen halylaryny satyn aldylar.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
