Türkmenistanyň Baştutany we Çelýabinsk oblastynyň gubernatory hyzmatdaşlyk etmegiň mümkinçilikleri barada gürrüň etdiler
Anna güni Prezident Serdar Berdimuhamedow Russiýa Federasiýasynyň Çelýabinsk oblastynyň gubernatory Alekseý Teksler bilen duşuşdy. Myhman günorta uralyň wekiliýetina baştutanlyk edip, sapar bilen Aşgabada geldi.
Duşuşygyň dowamynda Türkmenistanyň ykdysadyýeti senagatlaşdyrmaga we diwersifikasiýalaşdyrmaga, gaýtadan işleýän senagaty ösdümäge tarap ugur alandygy nygtaldy. Şunuň bilen baglylykda, türkmen Lideri taslama düzmek we metallurgiýa we maşyngurluşyk zawodlary gurmak babatda hyzmatdaşlygyň mümkinçiliklerini belledi. Bu barada türkmen telewideniýesiniň täzelikleriniň agşamky goýberilişinde habar berildi.
Türkmenistanyň Baştutany we Russiýa sebitiniň gubernatory haryt dolanşygyny giňeltmegiň ýollary barada-da gürrüň etdiler. Türkmenistan, hususan-da, Çelýabinsk oblastyna nebitgaz senagatynyň önümlerini, dokma önümleri we halylary, oba hojalyk harytlaryny ibermäge taýýardyr.
Ynsanperwer gatnaşyklaryna – medeniýet, bilim we ylym, sport ulgamlarynda hyzmatdaşlyk etmäge uly üns berildi. Şu babatda Aşgabatda Çelýabinsk filarmoniýasynyň “Ural” tans toparynyň çykyşy bellenildi.
Ýeri gelende aýdylsa, düýe Çelýabinskiniň we Çelýabinsk oblastynyň nyşanydyr – ol şäheriň hem-de ülkäniň tugrasynda we tugunda şekillendirilendir.
ORIENT news
