1530 adam türkmen raýatlygyny aldy
Anna güni hormatly Prezidentimiz Serdar Berdimuhamedow 1530 adamy Türkmenistanyň raýatlygyna kabul etmek hakynda Permana hem-de daşary ýurtly raýatlaryň 315-siniň Türkmenistanda ýaşamagyna ygtyýar berýän karara gol çekdi.
Resminamalar “Migrasiýa hakynda” Türkmenistanyň Kanuny hem-de adamyň hukuklaryny we azatlyklaryny goramak boýunça umumy ykrar edilen halkara kadalary esasynda taýýarlanyldy diýlip, türkmen telewideniýesiniň täzelikleriniň agşamky goýberilişnde bellenildi.
Şeýle hem raýatlyk alan 1530 adamyň 25 milletiň wekilidigi, ýaşamaga ygtyýar alan 315 adamyň bolsa 9 döwletiň raýatydygy hem-de 23 millete wekilçilik edýändikleri beýan edildi.
Döwlet Baştutany DIM-e, Migrasiýa gullugyna we beýleki degişli edaralara Türkmenistanda ýaşamaga ygtyýar almaga haýyşnama bilen ýüz tutan daşary ýurt raýatlarynyň hem-de raýatlygy bolmadyk adamlaryň resminamalaryny bellige almak boýunça işleri dowam etmegi tabşyrdy.
Umuman, soňky 15 ýylda 28 müňden gowrak adam Türkmenistanyň raýatlygyny aldylar. Daşary ýurt raýatlaryň 4 438-sine ýurtda ýaşamaga ygtyýar berildi.
ORIENT news
