“Türkmenturba” AGPJ “Türkmenhimiýa” döwlet kärhanasynyň garamagyndaky zawod bolar
“Türkmenturba” açyk görnüşli paýdarlar jemgyýeti guramaçylyk-hukuk görnüşini üýtgeder we zawod hökmünde dolulygyna “Türkmenhimiýa” döwlet konsernine geçiriler.
Türkmenistanyň Prezidenti Serdar Berdimuhamedow bu baradaky Karara gol çekdi diýip, şu gün resmi türkmen metbugaty ýazýar.
Bu baradaky çözgüt ýurtda ýokary hilli turba önümleriniň öndürilişini artdyrmak, şeýle hem Türkmenistanyň nebitgaz, gurluşyk we senagat toplumlarynyň öňünde goýlan wezipeleri çözmek maksady bilen kabul edildi diýlip, Kararda bellenilýär.
“Türkmengaz” we “Türkmennebit” döwlet konsernlerine degişli bolan AGPJ ilki bilen eýeçiliginiň görnüşini zawoda öwürer, soňra “Türkmengaz” DK-nyň hasabyna geçer. “Türkmengaz”, öz nobatynda, zawody ähli emläkleri we maliýe borçnamalary bilen bilelikde, “Türkmenhimiýa” döwlet konsernine geçirer.
ORIENT news
