TDHÇMB-niň söwdalary: 100 müň kilogram ýüňi eksport etmäge geleşik bagalşyldy
Penşenbe güni, 28-nji iýulda Türkmenistanyň Döwlet haryt-çig mal biržasynyň söwdalarynda BAE-niň telekeçisi saryja goýnuň ýüňüni satyn almaga geleşik baglaşdy diýip, ORIENT-iň habarçysy habar berýär.
Daşary ýurda “Bereket çeper” haly kärhanasyndan ýuwulan daralan ýüňüň jemi 100 müň kg. iberiler. Geleşik türkmen manadynda baglaşyldy—onuň umumy bahasy 950 müň manada barabar boldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
