Täze kanun döwlet edaralaryny ilata hödürlenýän elektron hyzmatlary kämilleşdirmäge borçlandyrdy
Şu gün neşir edilip, güýje giren Türkmenistanyň “Elektron hökümet hakynda” Kanuny ilata hödürlenýän elektron hyzmatlaryny gowulandyrmak üçin döwlet edaralaryny anyk çäreleri görmäge borçlandyrdy.
Ministrlikler we bölümler:
– elektron resminamalaryň ýeke-täk standartyny ulanmaly,
– öz aralarynda maglumat alyş-çalşyny ýola goýmaly,
– ýüz tutýanlardan artykmaç kepilnamalary talap etmezden, elektron hyzmatlaryny ýerine ýetirmeli.
Elektron hökümetiň esasy aýratynlygy döwlet edaralarynyň raýatlara hyzmat etmek üçin olardan goşmaça resminamalary soramagy bes etmegini göz öňünde tutýan köpugurly “Bir penjire” ulgamy bolar. Edaralar, arza beriji gatnaşmazdan, zerur bolan kepilnamalary pudagara maglumat alyş-çalyş ulgamy arkaly kärdeşlerinden özbaşdak almaly bolarlar.
Şeýle hem, kanun elektron hyzmatlaryna deň elýeterliligi üpjün etmäge gönükdirilendir, ýagny bar bolan hyzmatlary ulanmak üçin ähli raýatlarda deň derejede mümkinçilik bolmaly.
Şeýle hem, resminama döwlet edaralaryny artykmaç administratiw proseduralary aradan aýyrmak, ýüz tutýanlar tarapyndan berilýän resminamalaryň sanyny azaltmak, hyzmatlaryň ýerine ýetiriliş möhletini azaltmak we ş.m. arkaly elektron hyzmatlarynyň amala aşyrylyş tertibini yzygiderli kämilleşdirmäge borçlandyrýar.
ORIENT news
