TDHÇMB-niň söwdalary: hepdäniň dowamynda esasy nebit önümleriniň bahasy ýokarlandy
Geçen hepde Türkmenistanyň Döwlet haryt-çig mal biržasynyň söwdalarynda jemi $41,4 million hem-de 82,6 million manatlyk 73 geleşik baglaşyldy diýip, ORIENT-iň habarçysy habar berýär.
L-0,2-62 görnüşli dizel ýangyjy üçin baha ep-esli ýokarlandy. Onuň bahasy ozal baglaşylan geleşikler bilen deňeşdirilende 21,4% ýokarlandy we bir tonnasynyň bahasy $1 208,75 barabar boldy.
Daşary ýurt işewürleri geçen hepdäniň dowamynda jemi 9 müň tonna türkmen suwuklandyrylan gazy satyn aldylar we munuň üçin $5,2 million tölediler. Ozalky hepde bilen deňeşdirilende, STG-niň bahasy 3,3% ýokarlandy we bir tonnasynyň bahasy $586 deň boldy.
Eksporta gidro usulda arassalanan dizel ýangyjynyň 15 müň tonnasy $18,6 million satyldy. Nebit önümleriniň bahasy ozalky hepdedäki söwdalardaky bilen deňeşdirilende 10,1% pese düşdi.
A-92 görnüşli awtoulag benzininiň bahasy 1,9% ýokarlanyp, tonnasy bahasy $1 024,25-dan $1 044,50-a çenli artdy. Göni arassalanan benziniň bahasy 5,7% ýokarlandy we bir tonnasy $668,50 deň boldy.
Şeýle hem, söwdalarda KO-20 görnüşli yşyklandyryjy kerosini ($968,75), A-98 görnüşli etilsiz benzini ($1,121) we granulirlenen tehniki kükürdi ($230) satyn almak üçin geleşikler baglaşyldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
